علاش الكليون ما يرجعش؟ فيديو مؤسس دوّرني كامل

الدليل المكتوب كامل

المقدمة: عميل يجي مرّة وما يرجعش

مرحبا بيكم الناس الكل. عندك كليونات يجيوك مرّة وما عادش يرجعولك؟ ولا يجيوك مرّتين وما عادش يرجعولك؟ ولا عندك كليونات تحسّهم مهمش فيدال للبروجي متاعك، وما لقيتش معاهم حل؟

ولا خمّمت تعمل الحل الكارت والبوانات على الكارت؟ ولا زادة عندك مشكلة متاع Google Reviews، والناس ما يعملولكش ريفيو على Google Maps، اللي هو باش يخلّي البروجي متاعك يطلع من الأوائل في الروشارش متاع Google Maps؟ ولا عمرك ما عملت حاجة سبيسيال في المحل متاعك؟ عندك مشكلة متاع ريفيو، مشكلة متاع كونتنو؟

دوّرني: لعبة في محلّك تحلّ المشكلة

المشاكل هاذم الكل دوّرني حلّتهم، بالنسبة للناس اللي عندها قهاوي، اللي عندها ريستورونات، اللي عندها أوتيلات، اللي تقدّم في سرفيس، اللي عندها أجونس دي فوياج، اللي عندها بارافارماسي، اللي تبيع أونلاين. هاذم الكل دوّرني حلّتهم بطريقة سامبل: تصنع في البلاتفورم متاعنا، ويكون عندك أكسي للبلاتفورم، تدخل للبلاتفورم، تزيد البروجي متاعك، تزيد البيزنس. كان عندك أكثر من فرع، في نابل، في تونس، في صفاقس، تزيد البرانشات متاعك وين موجودة،

وتحط الخدّامة اللي يخدمو في الكاسة، تعطيهم الأكسي باش يصنعو الجو، ولا إنت تصنع الجو على كل برانش معيّنة موجودة عندك، وتبارتاجي الجو هاذي في الريزو سوسيو، تبارتاجيها في المحل متاعك، ولا تعمل سكرين كبيرة نشوفوها في المولات. وديجا عنا كليونات قاعدين يخدمو بدوّرني، عاملين سكرين كبيرة، ويحلّو اللعبة، كي يجي الكليون يلعب، يربح ديسكونت. والديسكونت إنت اللي تتحكّم فيه، إنت تختار شنوّة الكادوات اللي تحب تربّحها. أكثر من 14 لعبة في الفرسيون الجديدة متاع دوّرني،

أكثر من سيستام فيديليتي، عنا سيستام يصنعلك الريلز، يصنعلك البوستات، تلقاهم حاضرين، باش يخلّي الناس اللي راقدين عندك في الباج ولا في المحل متاعك يتشجّعو باش يشريو البروديه متاعك.

الجيل الجديد يحب الألعاب

اللي نعرفوه أحنا توّا في 2026، الجينيراسيون الجديدة تحب الألعاب، تحب الحاجة الجديدة، تحب الكونسبتات الجدد. عنا لعبة العجلة اللي تدور، عنا لعبة خطّاب على الباب، عنا لعبة بازل، عنا لعبة كويز، وعنا لعبة متاع كورة. هذا الكل يختلف على حسب البروجي متاعك. مثلًا إنت تقدّم في سرفيس، مثلًا حجّامة، كي يجيوه الناس يبقاو برشا يستنّاو، معانا تصنعلهم جو اللي يطوّل، مثلًا 20 دقيقة جو:

كاندي كراش بالمودال متاعك، بالشارت متاعك، بالبروديه متاعك، بازل تحط اللوغو متاعك، كويز تسأل أسئلة على البراند. كي يربح الديسكونت، ينجم ياخو الديسكونت توّا، على حسب إنت شنوّة تحب، ولا تقلّو الديسكونت هاذي على شان المرة الجاية، باش تخلّيه يرجعلك المرة الجاية. تنجم تبارتاجيها في الريزو سوسيو: الناس تسكاني، تلعب، تربح، وتجي للمحل متاعك باش تاخو الديسكونت متاعها. شانات في تونس قاعدين يخدمو بالستراتيجي هاذي بدوّرني.

في الويبسايت والسوشل ميديا

نزيدكم حاجة أخرى: الجو متاع دوّرني تنجم تأنتيغريها في الويبسايت متاعك. أي واحد يدخل للويبسايت يلقى الجو من لوطة، الجو يطلعلو، يحلّها، يربح ديسكونت، ويجي للمحل متاعك ياخو الديسكونت متاعو. أكثر من هذا: الريلز، والبوستات، والكول تو أكشن للجو، بالشارت متاعك، باللوغو متاعك، الكل يتعملو في دقيقة. دقيقة، تو أكشن للجو، كول تو أكشن للسرفيس متاعك، حسب السيزون: كي رمضان، كي العيد، كي الرونتري سكولار، هاهم الكل تنجم تصنعهم في وسط دوّرني.

قاعدين نخدمو في مصر، في تونس، في السعودية، وحلّيناها وورلدوايد، ونجمو يخلّصو أونلاين ويستعملو السيستام متاعنا، دوّرني. فما بلزور موديل، بلزور فونكسيوناليتي: بايو لينك، تنجم تصنع بايو لينك وتحطّو في الإنستغرام، يتلقى فيه البروفيل متاعك، الناس ينجمو يدخلو، يلقاو الجو، يلقاو الكونتاكت، يلقاو الويبسايت. وهذا الكل في نفس الباك: كي تشري باك واحد، تتحصّل على سيستام كامل، بالموديلات، وبالأبدايتات اللي تجي كل يوم.

اليوم نعرّفو أحنا الفرسيون هاذي، هاذي هي الفرسيون V3 متاع

العميل اللي ما يرجع = خسارة

دوّرني. والمشكلة الكبيرة، وإنت تعرفها كصاحب بروجي: الكليون اللي ما يرجعش يخسّرك برشا فلوس. ما نعرفوش كيفاش إنت جبت الكليون متاعك:

جبتو بالأدفرتايزينغ، جبتو بالإنفلونس ماركتينغ، كل واحد كيفاش جابو. كان كليون واحد بركة ما يرجعلكش، يسبّبلك خسارة كبيرة. وأحنا نعرفو الأدز ماهوش كافي باش يجيب الكليونات. لازم إنت كصاحب بيزنس تشدّ الكليونات متاعك: بالسرفيس، بالإكسبيريونس، بالحاجات الجديدة اللي توفّرهم في البروجي متاعك، بالديسكونت، بالفيديليتي.

والفيديليتي موش التراديسيونال: نجي نعملّو كارت ونحطّلو طمبون، يوصل عشرة مرات ياخو قهوة. الناس الكل ينجمو يعملو هاذي، ميتين كارت تلقاهم في جيبك، ماهيش صحيحة. باش تزيد الريفيوات على Google Maps، نعملّك بلاك فيها NFC ونحطّها، ماهوش ريال، ما يجيبش الريزولتا. إنت من الجمعة الأولى، كان استعملت دوّرني على حسب التيتو اللي أحنا عاملينو، واستعملتها بالطريقة الصحيحة، باش تشوف ريزولتا صحيحة، وباش تشوف البيزنس كيفاش تسكاليه بطريقة جديدة.

أنا محسن، صاحب دوّرني، الستارتاب التونسية دوّرني، اللي قاعدة تخدم في تونس، السعودية، مصر، وأكثر من بلاد. عملنا البلاتفورم هاذي والمنصّة هاذي باش نخلّيو أصحاب البيزنس اللي يقدّمو في سرفيس يعملو جو، والكليونات متاعهم يلعبو، يربحو، ويرجعولهم. توّا باش نوريكم في دقيقتين كيفاش تنجم تصنع جو في دوّرني.

الدخول وإنشاء البيزنس

أول حاجة: هاذي الويبسايت متاعنا، تحبّو تعرفو أكثر إنفورماسيون، تنجمو تدخلو dawwerni.com. ندخلو توّا، نعملو اللوغين متاعنا. البلاتفورم موجودة بالأنجليزي، بالعربي، بالفرنسي، كل واحد شنوّة اللغة اللي يرتاح فيها. أول حاجة دخلنا للسيستام متاعنا، باش نزيدو البيزنس، البروجي متاعنا، نزيدوه، نصنعوه، نحطّو مثلًا دوّرني تونيزيا، خاطر موجودة في أكثر من بلاد.

نحطّو وين موجودة بالضبط، إنت تحط البرانش متاعك. وبعد تختار تيب داكتيفيتي: قهوة، ريستورون، فاست فود... تيب داكتيفيتي الكل، دوّرني تخدم مع السرفيسات الكل. نحطّو قهوة. السرفيس متاع القهوة يحلّك بلزور موديل:

يحلّك الموديل متاع الجو، يحلّك مينو ديجيتال، يحلّك كاسة، يحلّك كارت كادو، يحلّك جو لايف يتلعبو، كويز، كاراوكي، حاجات كيما هكّا. وبعد تختار الأوبجكتيف من استعمالك لمنصّة دوّرني، يعني إنت تزيد الفيديليتي في البروجي متاعك. يعملولك فولو على السوشل ميديا، ولا تهزّهم للباج فيسبوك، ولا تحب ديراكتمان للواتساب يبعثولك مساج، كان تحب تكوليكتي الدونيات، ولا تهزّهم للسيت ويب مثلًا. أحنا باش نهزّو للسيت ويب متاعنا.

صنع لعبة والجوائز

توّا باش نصنعو الجو، باش نصنعوها في دقيقة. فما أكثر من 14 جو، كيما قلتلكم: لعبة العجلة اللي تدور، هاذي اللي تنجم تختارها، خطّاب على الباب، كويز، فما بازل، ماتش، ميموري. إنت شنوّة باش تختار؟ شنوّة الجو اللي تحب تصنعها للبروجي متاعك؟ تنجم تختار لعبة متاع كورة: يماركي، يربح كادو.

وإنت تتحكّم في البارامتر متاعها. توّا نختارو للبروجي متاعنا، نختارو دوّرني، نختارو التيمة، التيمة كلاسيك. الألغوريتم متاع الربح كيفاش: نجم نقول عندي توّا، باش نربّح اليوم عشرة كادوات، اليوم بقيمة 15 بالمية. نحطّ عشرة كادوات، وبعد كي يتربحو العشرة كادوات، ديما يقول إن شاء الله المرة الجاية، ولا ارجع مرة أخرى.

نختارو التيتر والديسكريبسيون متاع الجو. باش نربّح 15 بالمية، مثلًا العشرة أشخاص، باش نحط إليمون آخر اللي هو: ارجع غدوة. باش كي ما يربحش، يولّي ديراكتمان: ارجع غدوة. لأنّا نحبو نظهرو الإنفيتاسيون، باش نعملو الريديراكسيون للباج فيسبوك، ولا ديراكتمان تتحل اللعبة ويلعب.

نجيو نختارو الفورميلار: نحبو نظهّروه قبل ما يلعب ولا بعد ما يلعب، إنت اللي تتحكّم فيها. بعد ما يلعب نظهّرلو الفورميلار، وتنجم تختار الإيماج دي كوفرتور، والتيكست متاعك إنت اللي تحطّو. مثلًا نجمو نقصّرو في التيكست، ديما نرسبكتيو الكونديسيون الموجودة. اللعبة متاعنا تصنعت، سي بون.

كان نحب نعمل أبدايت عليها، نجم نعمل أبدايت: نزيد مثلًا إليمونات أخرين في العجلة. 15%، نزيد إليمون آخر: فري كوفي، نحط إليمون رابع.

خاطر كي يبدا إليمون خاسر، السيستام يفهم السيناريو متاع الخسارة. مثلًا هاذي نربّحها 20 مرّة، نحبّها عندي باش نعطي قهوة فري. وكان إنت عندك ستوك، عندك سلعة موش خارجة، تنجم تربّح فيها ديسكونت، تخفيضات، والتخفيضات هاذي تشجّعك تخرّج السلعة متاعك. ديجا عنا كليونات يخدمو بالستراتيجي هاذي.

مثلًا موان 30%، نحب نربّحها لخمسة أشخاص، خاطر الألغوريتم هكّا يخدم. ونسجّلو، والجو متاعنا حاضرة.

QR واللعبة عند العميل

الجو متاعنا عندها QR code ولينك، هاذي تنجم تبارتاجيها في الريزو سوسيو، في ستوري، وتعمل بوطون يكليكي عليه ويلعب. باش نسكانيو الـ QR code متاعنا اللي موجود في الإيكران، وباش تتحلّنا الجو. نسكانيو الـ QR code، والجو متاعنا تتحل، كيما قاعدين تشوفو. نسكانيو الـ QR code والجو متاعنا تتحل، تشوفو في كل شي، سكرين واضحة، وباش نلعبو.

واللعبة بدات تدور... ما ربحناش. ما ربحناش، نرجعو غدوة باش نلعبو. على حسب إنت شنوّة تختار: ينجم يلعب اللعبة كل يوم، ولا يلعب بعد سبعة أيام، هاذا الكل إنت تتحكّم فيه.

وكان ربح؟ نجرّبو سيناريو آخر. كان ربح، باش يظهرلكم الفورميلار هاذا. ماناش صورة موش واضحة برشا. الناس الكل يدخّل اسمو، يدخّل نمرو تليفون، كان عندو إيميل، وعيد ميلادو. الإنفورماسيونات هاذو مهمّين باش كصاحب بيزنس يتسجّلو عندك، وبعدين في المستقبل تنجم تعمل عليهم حملات إعلانية.

عندك باز دونيه حاضرة، تعمل SMS ماركتينغ، تعمل ميل ماركتينغ، إنت وشنوّة تحب تخدم مع الكليونات متاعك. وليت حاليًا عندك لعبة تتلعب في عشرة ثواني، زدت في المبيعات متاعك، عملت حاجة سبيسيال في البروجي متاعك، خرّجت سلعة، ورجّعت كليون، والكليونات السابقين اللي ما رجعوش حرّكتهم، كي بارتاجيت الجو على الريزو سوسيو. نزيدكم حاجة:

متابعة الفائزين

كيما قلتلكم، تنجمو تدخلو للكليونات متاعكم، باش تشوفو الكليونات اللي جاو هزّو الكادو. كي يجي يهز الكادو، تبدّلو الستاتو متاعو، الستاتو اللي هو هزّ الكادو. باش يجيك ويقلّك ربحت معاكم، يحل الإيميل، يوريك الإيميل ولا يوريك الـ QR code، باش يكمّلو البروسيس كاملة. سي بون، دخّلنا الإنفورماسيونات كاملين، وربحنا الكادو، ووصلنا ميل.

نجيو للباز دونيه، نعملو ريفريش، اللي دخلت ظهر الاسم متاعو: هاني محسن، ربحت 30%. نجيو نحطّو الكادو اللي ربحو: جا هزّ الكادو، نحطّو اللي هو جا هزّ الكادو.

Social Studio

أكثر من هكّا، عندك فيها سيستام اسمو Social Studio. الـ Social Studio هاذا يخلّيك تصنع ولا تلقى ديزاينات حاضرة، بازيه على السيستام متاعك، بازيه على الشارت غرافيك متاعك. تجي تلقى ريلز جاهزين، تنجم تدخل تبدّل في الكونتنو، تبدّل في الكلام، بطريقة ساهلة، وتكسبورتي الريل، وتحطّو على الريزو سوسيو: العب، سكاني، واربح.

الخلاصة: كيف تبدأ

هاذا ملخّص صغير على دوّرني، الفرسيون الجديدة، اللي العميل متاعك يلعب في عشرة ثواني، يربح كادو، ويرجعلك يهز الكادو متاعو. كيفاش نجم نستعمل دوّرني؟ ساهلة على الآخر: تعمل كونت، تزيد البروجي متاعك، تدخل على dawwerni.com، تكلّم الإكيب متاعنا، تتواصل معانا، تلقى فورميلار، تتواصل معانا: تحب تاخو دوّرني للبروجي متاعك؟ تدخل شنوّة هو البروجي متاعك.

نعملو الكونت، نعطيوك الكونت، تدخل بيه للبلاتفورم، تاجوتي البيزنس متاعك، ولا الإكيب متاعنا تخدم معاك وتحضّرلك البيزنس متاعك، كل شي. وكان لازم تحضّرلك الجو كيف ما تحب. ولا نوفّرلك فيديو على اليوتيوب كيفاش تستعمل البلاتفورم

وين تحط اللعبة

كاملة. صنعت الجو؟ عندك QR code تنجم تحطّو في المحل متاعك. عنا الموديل هاذا، اسمو كيت دامبريسيون، للجو اللي صنعناها. تنجم تلقى ديزافيشات تطلّعها: اللي تحطّوها في الكونتوار، اللي تحطّوها قدّام المحل، اللي تحطّوها على الطاولة.

عندك الديزاينات الكل تلقاهم جاهزين، تبدّلهم، تبرانديهم كيما تحب. وكان تحب حاجة سبيسيفيك ليك إنت، تلقى عندك موديل سبيسيال يخوّلك تصنع الديزاينات اللي إنت تحب عليهم الكل، وفي المناسبات الكل، وتامبريميهم، وما عادش تستحق ديزاينر. هاذا الكل في نفس البلاتفورم. وكان لقيت مشكلة باش تصنع ديزاين ولا أي حاجة، عنا إكيب سبيسيال متاعنا تعاونك باش تصنع الديزاين، تعاونك باش توظّف الجو هاذي بالطريقة الصحيحة. توّا عندك الجو، تبارتاجيها على الريزو سوسيو،

تنجم تحطها في سكرين كبيرة، الناس الكل يلعبو ويربحو. إنت وكيفاش تحب توظّفها: عندك ستوك موش خارج، تربّح فيه تخفيضات وتخرّج الستوك، تحب تطلّع الريفيوات على Google Maps، تعمل الجو هاذي. أي حاجة فيها مشكلة، توظّفها وتحلّها بالبروجي هاذا.

أكثر من لعبة

أكثر من هكّا، فما موديل بوان دي فيديليتي، فما كاسة، فما POS سيستام فري، فما موديل بروسبي، أجوندا، كل شي موجود. واللي تحب عليه، واللي تحب نفهّموهولك، تكلّمنا، وأحنا نوفّرولك هاذا الكل.